saturdayAFTERNOON

nakagalitan na naman ako ng boss ko kaninang umaga. ang malungkot pa nun, hindi iyon nangyari sa loob ng kwarto niya kundi dun sa opisina mismo namin.. sa makatuwid, nakita at narining ng labing-dalawa kong ka opisina na napagalitan ako... ok lang, sabado naman.. :)

pagkatapos ng tanghalian, nagkita kami ni Pilosopong Komikero.. sasamahan niya sana ako doon sa grupong sinalihan ko na tumutugon sa mga batang may sakit na kanser.. interesado din kasi siyang sumali at pati na rin nagbabakasakaling makahanap siya ng magandang kwentong-buhay.. ang naging problema, mali ang napuntahan namin... aba, malay ko bang magkaiba ang pedro gil sa gil puyat.. dahil naligaw kami, hindi ka kami nakahabol sa dapat naming puntahan.. sa makatuwid, kinailangan namin mag isip kung ano na ang gagawin namin.. ok lang.. sabado naman.. :)

maaari tayong manood ng sine.. sige, hindi pa natin napapanood ang 'til my heart aches end.. maaari din tayong tumakbo mamya.. pumayag naman si Pilosopong Komikero.. pero noong nasa bus na kami, bigla niyang sinabi.. swimming tayo ate, .sige, bili ka na lang brief at shorts mamaya.. :)

kaya iyon, kasama ang ilan sa mga batang lalake na nakatira din sa gusaling ito, nag swimming kami ng halos mag iisa't kalahating oras.. at dahil paparating na rin ang gabi sa mga oras na iyon, nakakamangha na nagpakita ang buwan sa amin.. aba, may swerte atang dala ang Komikerong Pilosopo.. 

kung sabagay, sabado nga pala ngayon.. hindi talaga imposibleng masilayan ang buwan sa kalangitan..
ilang sandali lang, nawala na naman siya at muling nagtago sa likod ng papadilim na ring mga ulap..

sapat na..
para sa sabadong ito..

112010sabado